Favorite memory ko sa lugar na ito. Laguna Hot Springs. Nakagisnan ko kasi na dito lagi pumupunta ang pamilya ko kapag may outing. Hindi ko na nga maalala kung ilang taon ako noong una akong nakapunta sa lugar na ito. Pero sabi ng daddy ko, bata pa lang daw ako. Siguro mga 3 years old pa lang ako, "tambayan" na ito ng mga elders.
Hot spring kasi ito. Yung tipong pang may rayuma. Hehehehe. Dito din ako nakakita ng minamasahe sa tubig. At ang gamit? Shampoo at sabon! Astig di ba? Pwede din fish spa kasi kapag tumambay kayo sa pinaka mainit na sulok, may mga fish na magtatanggal ng dead skin sa paa nyo. :)
Mura lang dito. Hindi kasi sya private resort. Huling punta ko dito noong February. Birthday ni Bunso. Kung hindi ako nagkakamali, Php 80 ang entrance fee. Pwede kayo magbaon ng pagkain o kaya naman pwede din kayo magpaluto doon. Panalo ang adobo at sinigang sa miso. Ang masahe naman, Php 150. Sulit na! Matatanggal talaga ang mga namumuong lamig sa katawan nyo. Kaya kung gusto nyong mag unwind, okay dito! mag eenjoy pa ang mga elders. :)
Happiness! :)
No comments:
Post a Comment